CoolThink親子工作坊令家長消除偏見

梁太太同囝囝彥翀參加學校同CoolThink@JC合辦嘅親子工作坊，令梁太太改為咗過往對編程嘅睇法同偏見。

梁太太之前未接觸過編程，認為「編程等如玩電腦」，又覺得寫程式比較沉悶。今次同彥翀一齊上親子工作坊，發現編程比想像中有趣易明，仲留意到彥翀學習編程後思考更有系統，在創意、解難方面都有進步！梁太太仲話玩電腦原來可以有趣又正面！

CoolThink工作坊有助家長了解小朋友進度！

梁先生同囡囡善婷參加咗學校同CoolThink@JC舉辦嘅親子工作坊，對曾經讀過編程嘅梁先生嚟講係一個好特別嘅體驗！

梁先生話以前學編程要背好多程式碼，相對複雜，但而家編程嘅介面簡化咗，著重小朋友嘅思考模式，仲會學到將一件事拆開好多小部分去處理。梁先生認為呢個學習唔單單局限喺編程，小朋友可以將呢個思考模式應用喺其他學科或者生活嘅其他事情上，例如整蛋糕。

今次參加親子工作坊仲可以令梁先生了解到善婷嘅學習內容，日後遇到問題，都識得點樣幫吓囡囡！

CoolThink工作坊令小朋友寓學習於娛樂

Johnny同Jade已經同媽媽一齊參加數次CoolThink親子工作坊，媽媽覺得每次工作坊內容非常有趣，可以引起小朋友參與嘅動力，寓學習於娛樂。喺自己動手做編程嘅過程，更提升咗Johnny嘅解難能力！

媽媽仲留意到Johnny唔只自己學習，喺工作坊做埋小幫手，協助其他家長同小朋友。而令佢特別深刻嘅係，Johnny能夠學以致用，將喺工作坊學習到嘅編程知識，應用到比賽當中，最後得到亞軍！